Մամլո Հաղորդագրություն
Press Release
Հայաստանի ուսանողական ազգային ասոցիացիայի ուղերձը Երիտասարդության միջազգային օրվա կապակցությամբ
ԵՐԵՎԱՆ - ՀՈւԱԱ-ն կոչ է անում բոլոր պատկան մարմիններին ուշադրության կենտրոնում պահել երիտասարդների հիմնախնդիրնեը: Երիտասարդները չպետք է դառնան գործիք, գործոն կամ ռեսուրս, երիտասարդները գործընկերն են, ովքեր լինելու են վաղվա ղեկավարները, առաջնորդները, մանկավարժներն ու փորձագետները:
1999թ. դեկտեմբերի 17-ին Միավորված ազգերի կազմակերպության Գլխավոր ասամբլեայի որոշմամբ օգոստոսի 12-ը հռչակվեց Երիտասարդության միջազգային օր։ Այն ընդունվել է 1998թ. օգոստոսի 12-ին Լիսաբոնում անցկացված երիտասարդության հարցերով նախարարների համաշխարհային խորհրդաժողովի առաջարկությամբ։ Աշխարհում առաջին անգամ Երիտասարդության միջազգային օրը նշվել է 2000թ.օգոստոսի 12-ին: Տոնը հռչակվել է երիտասարդությանն ուղղված գործողությունների համաշխարհային ծրագրի մասին երիտասարդության իրազեկության բարձրացմանը նպաստելու նպատակով:
Շնորհավորանք
Հայաստանի ուսանողական ազգային ասոցիացիան սրտանց շնորհավորում է աշխարհի և հայ երիտասարդությանը գեղեցիկ տոնի կապակցությամբ` մաղթելով միմիայն ձեռքբերումներ, նվաճումներ ու հաղթանակներ հանուն ազգային, մարդկային ու համամարդկային զարգացման:
Ուղերձ
Այս տարվա երիտասարդության միջազգային օրվա թեման ՄԱԿ-ի կողմից սահմանվել է երիտասարդների արտագաղթը: Երիտասարդները աշխարհում արտագաղթողների թվի մեծ մաս են կազմում: Այն դեպքում, երբ երիտասարդները կազմում են համաշխարհային աշխտուժի մեկ քառորդ մասը, նրանց բաժին է ընկնում աշխարհի գործազուրկների կեսը: Աշխատանքի շուկաներում առկա են խոչընդոտներ՝ կապված երիտասարդների համար լավ հեռանկարներով աշխատանքի ապահովման հետ: ՀՈւԱԱ-ն կոչ է անում բոլոր պատկան մարմիններին ուշադրության կենտրոնում պահել երիտասարդների հիմնախնդիրնեը: Երիտասարդները չպետք է դառնան գործիք կամ ռեսուրս, երիտասարդները գործընկերն են, ովքեր լինելու են վաղվա ղեկավարները, առաջնորդները, մանկավարժներն ու փորձագետները: Մի խոսքով երիտասարդությունն է շարժիչ ուժը:
-ՎԵՐՋ-