Երրորդ ռեյխի (կայսրության) փառաբանված զորահրամանատարներից մեկը՝ մարշալ Էրվին Ռոմելը, պետական դավաճանության համար մահապատժի է դատապարտվել: Նա մասնակցել է 1944 թվականի հուլիսի 20-ին Ադոլֆ Հիտլերի սպանության ձախողված ձեռնարկին: Դավադիրները կարճ ժամանակում բացահայտվել են, և հոկտեմբերի 14-ին Ռոմելն ինքնասպանություն գործելու հրաման է ստացել: Հրամանը հասցվել է Հեռլինգեն բնակավայր, որտեղ փախուստի դիմած Ռոմելն ընտանիքի հետ ապաստանել էր՝ հուսալով փրկել իրեն և իր ընտանիքն անխուսափելի մահապատժից:
Ռոմելը ենթարկվել է հրամանին և ինքնասպանություն է գործել թույն խմելով, որպեսզի փրկի իր կնոջն ու երեխաներին հայրենիքի դավաճանի ընտանիքի անդամներ հայտարարվելուց:
Հիտլերը հրամայել է Ռոմելի հուղարկավորությանը համազգային կորստի շուք հաղորդել, որպեսզի թաքցվի ճշմարտությունը և չվնասվի հասարակական կարծիքը:
