Հոդվածներ

     Հայաստանում ուսման վարձերի մինչև 30% բարձրացումը ծանր հետևանքներ և ազդեցություն կարող է ունենալ հասարակության վրա, քանի որ մարդկանց համար կստեղծվեն սահմանափակումներ բարձրագույն կրթություն ձեռք բերելու ճանապարհին:
    
     Մի շարք պետական ու մասնավոր բուհերում ուսման վարձերն արդեն բարձրացրել են 15%-ով, ինչը խիստ անհամապատասխան է երկրի հասարակության սոցիալ-տնտեսական վիճակին, քանի որ ուսանողները ստիպված են վճարել տարեկան միջինում 1048 ամերիկյան դոլլար ուսման վարձ այն դեպքում, երբ անվանական աշխատավարձերի չափը կազմում է 260 ամերիկյան դոլլար: Հայաստանյան բուհերի շրջանավարտներն արդեն իսկ մեծ հարված են ստացել տնտեսական ճգնաժամի ու համատարած գործազրկության պատճառով, ինչը խոսում է նրանց անմխիթար ու մռայլ ապագայի մասին:
    
     Նամակ` ուղղված հիմնական շահառուներին:
    
     Եվրոպացի ուսանողները խիստ մտահոգված են Հայաստանում վերջին իրադարձություններով և իրենց օժանդակությունն են ցույց տվել Հայաստանի Ուսանողական Ազգային Ասոցիացիայի (ՀՈւԱԱ) այս քաղաքականության դեմ պայքարում: 2013 թվականի հունիսի 21-ին, ուրբաթ օրը Եվրոպական Ուսանողական Միությունը (European Students’ Union- ESU) ՀՈւԱԱ-ի (ANSA) համար սոլիդարության նամակ է ուղարկել Հայաստանի բարձրագույն կրթության հիմնական շահառուներին: Եվրոպական Ուսանողական Միությունը (ESU) հավատում է, որ կրթությունը կարևոր նախադրյալ է կիրթված ու գիտելիքներով զինված հասարակություն ունենալու համար, որտեղ բարձրագույն կրթության դերը շատ կարևոր է քաղաքակիրթ հասարակություն, ավելի ուժեղ տնտեսություն զարգացնելու և բոլորին հավասար հնարավորություններով ապահովելու համար: Կրթության բարձր մակարդակը նպաստում է գործազրկության նվազմանը, առողջապահության ավելի բարձր որակին, հանցագործությունների թվի անկմանը, հասարակության ավելի ակտիվ ներգրավվածությանն ու վճարների ավելի ճկուն ու բարձր շարժունությանը: «Ուսման վճարների բարձրացումը խանգարում է անհատներին ձգտել բարձրագույն կրթության, այսպիսով դարձնելով կրթությունը հասանելի միայն էլիտար մասսաների և նրանց համար, ովքեր ի վիճակի են վճարել: Հայաստանյան սոցիալ-տնտեսական վիճակում, որտեղ ուսման վարձավճարները ավելի բարձր են, քան միջին աշխատավարձերը, վճարների բարձրացումը սարսափելի հետևանքներ կարող է թողնել թե՛ անհատների, և թե՛ հասարակության վրա», - ասվում է ESU փոխնախագահ Ռոք Փրիմոժիչի ստորագրությամբ նամակում:
    
     Եվրոպայի ուսանողները կանգնում են հանուն սոլիդարության
    
     Եվրոպայում ավելի քան 10 ազգային ուսանողական միություններ ՀՈւԱԱ-ին աջակցելու համար իրենց նամակներն են հղել հայաստանյան բուհեր, բարձրագույն կրթության այլ շահառուների, որպեսզի ցույց տան իրենց համախմբվածությունը Հայաստանում ուսման վարձավճարների բարձրացման դեմ: Վերջին 4 շաբաթների ընթացքում ՀՈւԱԱ-Ն ակտիվորեն կազմակերպել է տարբեր հասարակական լսումներ ու հանդիպումներ: Հայաստանի Ուսանողական Ազգային Ասոցիացիան (ANSA) այս հարցի շուրջ պաշտոնական նամակ է պատրաստել և այն ուղղել Հայաստանում բարձրագույն կրթության հիմնական շահառուներին` Եվրոպայի Խորհրդին և ԵԱՀԿ Երևանյան գրասենյակին, ԵԽ Գրասենյակին և ՀՀ-ում Մարդու իրավունքների պաշտպանին: Այդ գրառումը նաև ուղարկվել է հայաստանյան շատ բուհերի ռեկտորներին, ովքեր կայացրել են ուսման վարձավճարների բարձրացման որոշումը, ինչպես նաև այլ բուհերի ռեկտորներին: Եվրոպական Ուսանողական Միությունն (ESU) իր ամբողջական օժանդակությունն է ցույց տալիս Հայաստանի Ուսանողական Ազգային Ասոցիացիայի (ANSA) ջանքերին և արդեն դիմել է համապատասխան ատյաններ, որոնք պատասխանատու են վճարների փոփոխությունների համար՝ խնդրելով, որ անվավեր համարեն այդ որոշումը՝ կասեցնելու համար այն հարվածը, որը սպասվում է:
    
     "Երիտասարդները հասարակության ապագան են, և բոլորն էլ արժանի են ունենալ բարձրագույն կրթություն ստանալու իրավունք՝ անկախ իրենց հասարակական-տնտեսական վիճակից և վճարողականությունից"-ասվում է Եվրոպական Ուսանողական Միության նամակում:
    
     Աղբյուրը՝ Հայաստանի Ուսանողական Ազգային Ասոցիացիա