2013 թ. Մայիսի 2-ին «Օյունջյան» դպրոց-վարժարանում հայոց լեզվի և գրականության ուսուցչուհի Ն. Վարդանյանի նախաձեռնությամբ կազմակերպվել էր բաց դաս` նվիրված արևմտահայ գրող, քննադատ, հասարակական գործիչ Արշակ Չոպանյանի կյանքին ու գործունեությանը:
Դասն ուներ ճանաչողական նշանակություն, քանի որ արևմտահայ արձակի վարպետներից մեկը` Չոպանյանը, գրեթե անծանոթ է մեր ընթեղցողին: Այնինչ նա վիթխարի գործ է կատարել հայ ժողովրդի հանճարը քաղաքակիրթ մարդկությանը ծանոթացնելու համար:
IX դասարանի աշակերտներն հաղորդեցին կենսագրական տեղեկություններ` մեջբերելով բելգիացի մեծ բանաստեղծ Բերհառնի, Անատոլ Ֆրանսի, Բրյուսովի գնահատանքի խոսքերը: Մեղմ երաժշտության ելևէջների ներքո ասմունքում էին արևմտահայերեն բանաստեղծություններ: Բեմադրվեց «Արցունքն ու ծիծաղը» արձակ բանաստեղծությունը:
Անդրադարձան նրա հասարակական գործունեությանը` մեջբերելով համապատասխան հատվածներ տեսաֆիլմից:
Դասն ավարտվեց Արշակ Չոպանյանի խորիմաստ տողերով.
Եթե ամեն բան, իրոք,
Աշխարհի մեջ ունայն է,
Զգուշացիր դու նորեն
Լալկանի դեմք առնելե:
Արհամարե անողորմ
Ճակատագիրըն և անոր
Վայրագության դեմ հանե
Վեհ բարություն մը աղվոր: