2013 թ. մայիսի 8-ին Գյումրու «Օյունջյան» դպրոց-վարժարանի դահլիճը դարձել էր տոնական, ուր տեղի ունեցավ IԲ դասարանի այբուբենի տոնական հանդեսը` դասվար` Լ. Թոփչյանի գլխավորությամբ: Գեղեցիկ զարդարված բեմում ելույթ էին ունենում 8 ամիս առաջ դպրոցի շեմին ոտք դրած վախվորած ու թոթովախոս մանուկները:
Փոքրիկ մաշտոցականները ներկայացան իրենց գեղեցիկ երգերով, պարերով ու հեքիաթային հերոսներով: Նրանց շուրթերց հնչեցին Մ. Մաշտոցի, հայոց լեզվի և հայրենիքի մասին գեղեցիկ ոտանավորներ:
Միջոցառումը շատ բովանդակալից էր ու հագեցած մաշտոցյան շնչով:
Աշակերտները իրենց գեղեցիկ ելույթով, երգերով ու դերային խաղով հիացրեցին հանդիսատեսին:
Հատկապես մեծ հիացմունք ու բավականություն էր ստացել դպրոցի մեծ բարերար բժիշկ Օյունջյանը: Նա իր հիացմունքի խոսքն ամփոփեց, հանձնելով մաշտոցականներին «Առաջին քայլեր» գրքույկը, որը հավաստում էր մեր երեխաների գրաճանաչ դառնալու փաստը:
Երեխաներին շնորհավորեցին և շնորհակալության խոսքեր ասացին դպրոցի տնօրեն Հ. Անդրիասյանը, տնօրինությունը, ուսուցչական և ծնողական հանրույթը:
