2013թ. մայիսի 18-ին Գյումրու «Օյունջյան» հիմնական դպրոցի IVԱ դասարանցիները դասվար` Ագ. Հովհաննիսյանի գլխավորությամբ, հրաժեշտ տվեցին տարրական օղակին:
Դպրոցի դահլիճը բազմամարդ էր. ներկա էին դպրոցի հիմնադիր բարերար` Հովհ. Օյունջյանը, տնօրեն տիկին Հ. Անդրիասյանը, ուսուցչական հանրույթը, ծնողներ, հարազատներ:
IV դասարանցիները ջերմորեն ողջունեցին ներկաներին, և խորհրդավոր զանգի ներքո` ազդարարեցին միջոցառման սկիզբը:
Բացվեց վարագույրը և երեխաները ներկայացան իրենց ողջ ներուժով. նորաոճ երգ ու պարով, գեղեցիկ ասմունքով: Գովերգեցին իրենց կրթօջախը, ձոնեցին գեղեցիկ երգ հիմնադիրին, ինչպես նաև ցուցադրեցին այս տարիներում ձեռք բերած նվաճումները` ոչ միայն ուսուցման ընթացքում ստացած, այլև այլ բնագավառներում (սպորտ, մշակույթ):
Միջոցառման ընթացքում աշակերտները փորձեցին կենդանություն և շունչ հաղորդել առարկաներին, երևույթներին: Այդպիսին էր նաև բեմում տեղադրված կավե աղավնին, որը աշակերտների ոգեպնդիչ խոսքից, քաղցրահնչյուն մեղեդու ձայնից կենդանություն առավ և ճախրեց լուրթ երկնքում:
Խորհրդանշելով խաղաղություն հայրենի երկրին և լուսավոր ապագա` նոր սերնդին:
Միայն, թե մեր մոլորակում` 21-րդ դարում,
Ոչ մի տանը, ոչ մի բակում
Տխրություն մենք չտեսնենք,
Խաղաղ ապրենք ու չկռվենք
Եվ ընդմիշտ հարատևենք:
