2013 թ. Մայիսի 6-ին «Օյունջյան» միջնակարգ դպրոց-վարժարանում հայոց լեզվի և գրականության ուսուցչուհի Գ. Մխիթարյանի նախաձեռնությամբ կազմակերպվել էր բաց դաս` նվիրված մանկավարժ, քննադատ, հասարակական գործիչ և հավատավոր դաշնակցական Նիկոլ Աղբալյանի կյանքին ու գործունեությանը:
Դասն ուներ ճանաչողական նշանակություն, քանի որ 20-րդ դարի առաջին այրերից մեկը` Նիկոլ Աղբալյանը, գրեթե անծանոթ է մեր ընթերցողին:
VI Ա դասարանի աշակերտները հաղորդեցին կենսագրական տեղեկություններ` մեջբերելով Ն. Աղբալյանի մտքերը:
VI Ա դասարանի աշակերտ Գ. Դավթյանի դուդուկի մեղմ հնչյունների ներքո ներկայացվեց ծննդավայրը` Հավլաբարը: Երգեցին Հայաստանի հանրապետության օրհներգը, «Ֆիդայիններ» , «Կռունկ» , «Երազ իմ երկիր Հայրենի» երգերը:
Անդրադարձան Աղբալյանի հասարակական, քաղաքական գործունեwuթյանը:
Դիտեցին տեսաֆիլմ` նվիրված Ն. Աղբալյանի կյանքին ու գործունեությանը:
Դասն ավարտվեց Ն. Աղբալյանի` հայ Բելինսկու խոսքով.
Սուրը չթողեց գրչի մարդ դառնալ,
Գրիչը չթողեց սրի մարդ դառնալ:
