Ապրիլի 23-ին «Օյունջյան» դպրոց-վարժարանում տեղի ունեցավ «Կա'նք: Պիտի' լինենք: Ու դեռ շատանա'նք» խորագիրը կրող միջոցառումը: Միջոցառումը նվիրված էր հայոց մեծ եղեռնի 98-րդ տարելիցին: 1915 թ. Արևմտահայության դեմ իրագործված ցեղասպանությունն աննախադեպ էր. այն ամենամեծ ոճիրն էր, որ գործադրվել էր մարդկության դարավոր պատմության մեջ:
Թուրքի մահաբեր յաթաղանից մազապուրծ ու բնավեր մեր ժողովրդի բեկորները դեռ աշխարհով մեկ ցրված, գիշեր-ցերեկ մորմոքում են և երազում ապրել իրենց պապերի երկրում:
Աշխարհի բոլոր հայերը համոզված են, որ …
Թե աշխարհում արդարություն կա վերուստ,
ՈՒ թե դաշն են Աստված, երկիր ու երկինք,
Պիտի փլվի ամեն պատնեշ, ամեն սուտ,
Պիտի երթա՛նք, պիտի երթա՜նք մեր երկիր…
Սա միջոցառման հիմնական գաղափարն էր:
