Դու չկաս.......................
20:33, երեքշաբթի, 12 փետրվարի, 2013 թ.
 Հուսով եմ՝ հիշում ես այն օրերը, որ անկախ տվածդ ցավից ես ներել եմ քեզ, ներել ու սիրել ինքնամոռաց... Անցան, էլ չսպասես այդ օրերի ետ գալուն՝ մեկ է չեն գա... Ուղղակի հիշիր անցած օրերը, երբ կողքիս էիր, երբ ամեն մի երազանքս քեզ հետ էի կապում, քեզնով էի ապրում և փորձիր զգալ ու հասկանալ այն ցավի խորությունը, որ դու տվել ես ինձ՝ քո անորոշ լինելով, չզգալով...Գուցե և զգացածդ ճիշտ չարտահայտելով...Մի բան է ուզում սիրտս՝ հասկացիր ինքդ քեզ...Գլուխդ տուր այն նույն պատին, որը հիմա մեզ բաժանում է, սակայն ոչ թե քանդելու միտումով, այլ այն ամրացնելու... Ետ նայիր մի պահ, ոչ թե ինձ ետ բերելու, ինձ «ԿՆԵՐԵՍ» ասելու, այլ կորցրածդ զգալու համար... Ետ նայիր ու տես, որ քո պատկերացրած «երեխան» էլ չկա, որ հավատում էր ամեն հեքիաթային խոսքի...Դեռ շատ ենք փոշմանելու. Դու՝կոտրելուդ, իսկ ես՝կոտրվելուս համար... Անիրական հույսերս, անիրական մնացին այդպես էլ և սերս, որ քեզ համար անիրական էր... Տես, ես նույնն եմ մնացել, իսկ դու... Հայացքիդ մեջ մի սառնություն, որը ժամանակին էլ զգացել եմ, սակայն ջերմության փոխարեն եմ ընդունել, պահվածքիդ մեջ անտարբերություն, որը կարծես չի տարբերվում ժամանակին քո պահվածքից, բայց ես կրկին չեմ հասկացել... Գիտես, կասկածում եմ, որ դու գիտես՝ ինչ է սիրելը... Այնուամենայնիվ, դու անցյալ ես... ու ես քեզ չհիշել ցանկացող մի հասարակ աղջիկ եմ, որի սրտում դու չկաս...Բայց այդ «չկա» -ի մեջ միեւնույն ժամանակ դու այնքան կաս…… |
Հավանել
0
Չհավանել
0
9818 | 4 | 0 | 0
