2014թ. բակալավրի կրթական ծրագրով բուհական ընդունելությանն ընդառաջ Հայաստանի պետական ճարտարագիտական համալսարանը (Պոլիտեխնիկ) ս.թ. ապրիլի 11-ին և 18-ին, ժամը 14.00-ին ՀՊՃՀ 2-րդ մասնաշենքի Մեծ դահլիճում (Տերյան 105) կազմակերպում է "ԲԱՑ ԴՌՆԵՐԻ ՕՐ":
Ապագա դիմորդները հնարավորություն կունենան ծանոթանալու`
- 2014թ. բակալավրական կրթական ծրագրով ընդունելության ճարտարագիտական և ճարտարագիտատնտեսագիտական մասնագիտությունների բնութագրերին,
- ընդունելության կարգին,
- ՀՊՃՀ կրթական ծրագրերին և ուսումնական գործընթացի կազմակերպման մեխանիզմներին, ինչպես նաև ստանալու իրենց հետաքրքրող հարցերի պատասխանները:
Բացի հանդիպումից՝ դիմորդների համար կկազմակերպվի շրջայց ՀՊՃՀ Ինովացիոն կենտրոնում տեղակայված գերժամանակակից սարքավորումներով հագեցած, ամենաարդիական տեխնոլոգիաներով զինված Հայկական ազգային ճարտարագիտական լաբորատորիաներում (Armenial National Engineering Laboratories-ANEL), ուր նրանք տեղում կծանոթանան ճարտարագիտական համալսարանի նորագույն լաբորատորիաների հնարավորություններին:
2014թ. ՀՊՃՀ ընդունելության մասնագիտություններին կարելի է ծանոթանալ ՀՊՃՀ կայքի "Ընդունելություն" բաժնում:
