Այսօր Երասխի միջնակարգ դպրոցում պատմության ուսուցչուհի Անի Կիրակոսյանի նախաձեռնությամբ տեղի ունեցավ բաց դաս «Պատերազմ և խաղաղություն» թեմայով, որին մասնակցում էին 8-9-րդ դասարանի աշակերտներ և ուսուցիչներ: Բաց դասը նվիրված էր Հայրենական մեծ պատերազմի 70-րդ տարելիցին և սկսվեց լռության րոպեով, որով հարգանքի տուրք մատուցեցին ցեղասպանության զոհերի հիշատակին: Բաց դասի ընթացքում ուսուցչուհին աշակերտներին ներկայացրեց մանրամասներ Հայրենական պատերազմից, ինչպես նաև պատերազմի ժամանակ հայ ժողովրդի, սփյուռքահայության և հոգևորականների ցուցաբերած օգնության մասին: Այնուհետև երեխաները խոսեցին՝ պատերազմի վերաբերյալ ունեցած իրենց տեղեկություններից և խաղաղության մասին պատկերացումներից: Ուսուցչուհին դասն ամփոփեց Մայիսյան հաղթանակների պատմությունով՝ Սարդարապատ, Բաշ-Ապարան, Շուշի՝ նշելով, որ արդեն 23 տարի է՝ հայ ժողովուրդը Մայիսի 9-ը նշում է ոչ միայն որպես Հայրենական մեծ պատերազմում տարած հաղթանակի, այլև պատմական Շուշիի ազատագրման օր:
