ՔՆՆԻՉ
- Պ-ն Ծառուկյան, ի՞նչ կասեք Ազգային ժողովի 2017 թվականի ապրիլի 2-ի ընտրություններին Ձեր ղեկավարությամբ գործող կուսակցությունների դաշինքի և ընտրական ցուցակներում ընդգրկված թեկնածուների օգտին քվեարկելու համար, ընտրողներին կաշառք տալու ձեզ ներկայացված մեղադրանքին….
ԾԱՌՈՒԿՅԱՆ
- Ա՜խր պարոն Ծառուկյանը ասել է և ասո՜ւմ է, որ լիարժեք Օլիմպիական կոմիտեի նախագահի համապատասխան բարեգործությունների քաղաքական, ֆինանսական, կորոնավիրուսի հետ կապված տապալման գործընթացի այս ամբողջը շինծու և հարցրեք ցանկացած քաղաքացուց, որը բոլորը կտեսնեն:
ՔՆՆԻՉ
- Ճիշտն ասած, չհասկացա՛:
ԾԱՌՈՒԿՅԱՆ
- Տղա ջա՜ն, դու ի՞նչ ես ավարտել:
ՔՆՆԻՉ
- Համալսարանը:
ԾԱՌՈՒԿՅԱՆ
- Բա ի՞նչ գործ ունես քննիչ ես աշխատում:
ՔՆՆԻՉ
- Ես իրավաբանականն եմ ավարտել:
ԾԱՌՈՒԿՅԱՆ
- Քո իրավաբանական ցա՜վն էլ տանեմ, այ օրինակ ԲՀԿ-ի Գևորգը…որ մի ծաղկով գարուն չի գա:
ՔՆՆԻՉ
- Ո՞ր Գևորգը, Գևորգ Մարզպետունի՞ն:
ԾԱՌՈՒԿՅԱՆ
- Ա՜խր Ծառուկյանի ինչի՞ն է պետք հաապատասխան հայրանունները, որը միշտ եղել է հեղափոխության կողքը…
ՀԵՂԻՆԱԿ
Այ այսպես էլ մինչ հեղափոխությունը ապրել ենք, ասես դոդի բախչում՝ համապատասխա՜ն, շինծո՜ւ, բայց …
անկեղծ ասած քննիչը մեղքս եկավ, դժվար թե իր իրավաբանական կրթությամբ հասկանար մեկին, որը խոսում է հայերեն բառերով, բայց օտար լեզվով, ուստի ստիպված բաց թողեց - հույս ունենալով որ միգուցե գտնի շինծու հեղինակի համապատասխան բացատրական լիարժեք բառարան…
