Քո վերադարձին ես շատ եմ սպասել...
Ճիշտ է` չեմ ասել
Կարոտս մեկին,
Բայց իմ աչքերը` տխուր ու սառած,
Խորթ էին ամենքին...
Ես միշտ էի ժպտում,
Թե քեզնից առաջ, քեզ հետ` ավելի,
Բնա'վ, չէի կոպտում
Կյանքում ոչ մեկի...
Հիմա` չարացած,
Սիրտս` քարացած,
Սառած աչքերս քո ճամփին հառած`
Փակվել եմ իմ մեջ...
Վառում է ներսից կարոտը անշեջ,
Վառում է սիրտս ու հոգիս տկար,
Բայց քեզ չհուզեց` դու էլ ետ չեկար...
Իմ ներաշխարհի հրդեհը անտես
Չունեցավ երբե'ք մի ականատես,
Բայց երբ աչքերս,
Սառած աչքերս
Հուրը կարոտի նրանք էլ զգացին,
Լուռ դիմադրելու
Փորձեր արեցին,
Հույզերս թաքուն,
Ավա~ղ, մատնեցին...
Միշտ էլ այդպես է` կարոտից մոլոր
Սառած աչքերը հալվում են մի օր...