Շնորհավո՜ր տոնդ, ՀԱՅՈ՜Ց ԲԱՆԱԿ, քեզնով փրկվեց մեր հավատն ու ապագան... Աբովյանի թ.6 ավագ դպրոցի 7-րդ Բ դասարանի աշակերտները (դասղեկ Ա. Գրիգորյանի նախաձեռնությամբ) փետրվարի 8-ին տոնական գեղեցիկ միջոցառմամբ նշեցին Հայոց բանակի կազմավորման 24-ամյակը: «Ինքն իրեն հարգող ժողովուրդը սեփական ինքնապաշտպանության հույսը դնում է նախևառաջ իր բազկի ուժի ու զենքի զորության վրա» . ահա այս խոսքով սկսվեց միջոցառումը, որին ներկա էին դպրոցի տնօրեն Հովհաննես Վարդանյանը, ՀՀ «Երդվյալ ազատամարտիկների» միության Աբովյանի բաժանմունքից ներկայացուցիչներ, ուսուցիչներ, աշակերտներ, ծնողներ: Հայոց բանակին, հայ զինվորներին, հայրենիքին նվիրված երաժշտական կենդանի կատարումները ուղեկցվում էին ծափերով: Տպավորված միջոցառումից՝ աշակերտներին կատարված մեծ աշխատանքի համար շնորհակալություն հայտնեց Կ.Գիլոյանը: Նրա՝ հայրենիքին ու հայ զինվորին նվիրված խոսքերը հուզեցին բոլորին: Փա՛ռք ՀԱՅՈՑ ԱԶԳԱՅԻՆ ԲԱՆԱԿԻՆ, Փա՛ռք ՀԱՅԱՍՏԱՆԻ ՀԱՆՐԱՊԵՏՈՒԹՅԱՆԸ:
Դասղեկ` Ա. Գրիգորյան
