Ձերբակալվել է ազատամարտիկ Վոլոդյա Ավետիսյանը
15: 02 | 2013-09-20 | Հայաստան | Հասարակություն |
Երեկ երեկոյան ժամը 22.00-ի մոտ քաղաքացիական հագուստով 4 անձինք, առանց ներկայանալու ձերբակալել են ազատամարտիկ Վոլոդյա Ավետիսյանին: - 1in.am
Ազատամարտիկ Վոլոդյա Ավետիսյանը ձերբակալվել է խարդախության մեղադրանքով. ՊՆ
ՊՆ լրատվական ծառայությունից «Առաջին լրատվական» -ին հայտնում են, որ Վ.Ավետիսյանը, խաբեության և վստահությունը չարաշահելու եղանակով քաղ. Հ.Զաքարյանի թոռանը պարտադիր ժամկետային զինվորական ծառայությունից ազատելու հարցում աջակցություն ցույց տալու պատրվակով, Հ.Զաքարյանից հափշտակել է 2000 ԱՄՆ դոլար գումար: - 1in.am
Մի առանձնապես գրելու բան էլ չկա, ընդամենը եղկելի է պարոն Սեյրան Օհանյան: Երկրիդ ազատամարտիկներին հացի փողով չես կարողանում ապահովել հերիք չէ, հիմա էլ դատում ես: Հիմա գուցե այլևս բարձրագոչ նախադասություններ գրելն ուղղակի անիմաստ է, ժամանակներն են այդպիսին: Հիմա գուցե առկա իրողություններից, մտքի մեջ հետևություններ անելու ժամանակներ են: Սա է թերևս Ձեր ուզածը, գեներալ: Երևի ձեր այսօրվա հիմնարկի ռազմավարական պլանավորումն է այդպես կառուցված.` ԱԶԱՏ, սահմանադրորեն ազատ խոսքը, ազատ խոսքով բողոքը «ԼՌԵՑՆԵԼ» , լռեցնել ահա այս եղանակով, այս մարտավարությամբ, որպիսին, կարծեմ օգտագործում են արտաքին թշնամիների դեմ:
«Ով մեզ հետ չէ, մեր դեմ է» , սա է չէ՞ ձեր ներքին լոզունգը: Բռավո, խոսք չկա: Ես բնավ չեմ պատրաստվում ստանձնել Վոլոդյա Ավետիսյանի փաստաբանի դերը, առավել ևս, որ չեմ էլ ճանաչում այս մարդուն, որն իր բողոքով ընդամենը հանրությանը հայտնի դարձավ տակավին վերջերս: Ես երևույթից եմ եղկում. երևույթ, որ այնուամենայնիվ մի քանի առկախ հարց է հասունացրել ձեզ պարոն Պ նախարար:
Շարունակությունն այստեղ:
