Ուսման վարձը չվճարելու պատճառով բարձր առաջադիմությամբ ոչ մի ուսանող չպետք է զրկվի կրթություն ստանալու իրավունքից: |Ձեր Պատգամավորը
13:38, երկուշաբթի, 27 մարտի, 2017 թ.
Շատ է խոսվում ՀՀ կրթության և գիտության ոլորտներում բարեփոխումների մասին, բայց, ինչպես ասում են՝ «սայլը տեղից չի շարժվում»: Ասենք ավելին՝ խնդիրները գնալով շատանում են: Ամենատարբեր խնդիրները ուղղակի չարիք են դարձել մեր երիտասարդ սերնդի համար, ում ուսումը դարձել է պատուհաս: Սովորելու փոխարեն մեր երիտասարդները, ինչպես նաև իրենց ծնողները զբաղված են գումարների հայթհայթմամբ, որպեսզի կարողանան դրանք ժամանակին հասցնել ԲՈՒՀ-երի ղեկավարներին ու չհայտնվեն դրսում: Ավարտած երիտասարդ մասնագետները չեն կարողանում աշխատանք գտնել, ինչը բացասաբար է ազդում իրենց վրա թե՛ հոգեբանական, թե՛ ֆինանսական առումով: Շատ շատերը հուսահատվում են կամ արտագաղթում: Բազմիցս ՀՀ Ազգային Ժողովի ամբիոնից այդ խնդիրները բարձրացվել են Տիգրան Ուրիխանյանի կողմից: Այս վերջին տարիներին նա չի դադարել պայքարել այն արատավորող երևույթների դեմ, որոնք տիրում են կրթության և գիտության ոլորտներում: Տիգրան Ուրիխանյանին ոչ մի բան չի կարող կանգնեցնել, երբ նա տեսնում է անարդարություն: Մեր հանրությանը այսօր շատ անհրաժեշտ է ունենալ իսկապես կիրթ հասարակություն, որը պետք է կազմի մեր ապագան և հայրենիքի զարգացման կորիզը: Գալիք ԱԺ ընտրություններին «Ծառուկյան» դաշինքն առանձնացրել է ամենակարևոր խնդիրները և մասնագիտական քննարկումների ժամանակ իր ծրագրում ներկայացրել է ամենահրատապ դրույթները: Այդ խնդիրների լուծման համար մեր հասարակությունը պետք է միահամուռ կանգնի «Ծառուկյան» դաշինքի կողքին: Թիվ 2 ընտրատարածքում, որն իր մեջ ներառում է Արաբկիր, Դավթաշեն և Աջափնյակ համայնքները, առաջադրվել է նաև ՀՀ ԱԺ պատգամավոր Տիգրան Ուրիխանյանը, ով պատրաստ է շարունակել իր պայքարը հանուն կիրթ և զարգացած Հայաստանի Հանրապետության: Ստորև ներկայացնում ենք կրթության և գիտության ոլորտներին վերաբերվող կարևոր կետերը, որոնք ներկայացված են «Ծառուկյան» դաշինքի կողմից: Կրթության և գիտության ոլորտ - Պետական բուհական համակարգում հիմնովին փոփոխել ընդունելության քննությունների կարգն ու չափանիշները: - Վերացնել ընդունելության քննությունների կենտրոնացված համակարգը: - Հանրակրթական դպրոցներում վերանայել ռազմական նախնական պատրաստվածության ծրագիրը: - Առաջիկա հինգ տարիներին Հայաստանի Հանրապետությունում յուրաքանչյուր տարի կառուցել առնվազն 10 նոր հրաձգարան: - Լուծարել ԲՈՒՀ-երի ձևական բնույթ կրող կառավարման խորհուրդները: - Ուսման վարձը չվճարելու պատճառով բարձր առաջադիմությամբ ոչ մի ուսանող չպետք է զրկվի կրթություն ստանալու իրավունքից: Հիմնովին վերափոխել Գիտությունների Ազգային Ակադեմիայի կառուցվածքն ու աշխատանքների ուղղությունները: - Գիտություն-արտադրություն, գիտություն- ռազմական արդյունաբերություն կապը դարձնել ՀՀ կառավարության կարևորագույն խնդիրներից մեկը: Մշակույթ և սպորտ - Առաջիկա 10 տարիներին վերականգնել ՀՀ տարածքում գտնվող պատմա-մշակութային բոլոր կոթողները` սահմանելով դրանց առաջնահերթությունները: - Բացառիկ ծրագրերի ներդրմամբ՝ ձեռնարկել Արևմտյան Հայաստանում հայկական պատմա-մշակութային կոթողները վերականգնելու և պահպանելու նախագծեր: - Վերականգնել և անհրաժեշտ գույքով ապահովել խորհրդային տարիներին գործող մարզական կառույցները` անկախ դրանց սեփականության ձևից: - Սահմանել մարզաձևերի առաջնահերթությունները և հաստատել զարգացման առանձին պետական ծրագրեր: Սիրելի հայրենակիցներ՝ Մեր բոլորիս նպատակն է ունենալ հզոր պետություն, զարգացող տնտեսություն, բարեկեցիկ ընտանիք, արժանապատիվ քաղաքացի: Մենք ունենք բավարար քաղաքական կամք՝ Հայաստանի Հանրապետությունը դուրս բերելու տնտեսական և սոցիալական խորը ճգնաժամից: Մեզ անհրաժեշտ է հանրային լայն աջակցությունը: Տվեք մեզ 50+1 տոկոս ձայն, և մենք պարտավորվում ենք վերը նշված ծրագրի բոլոր դրույթները իրականացնել շատ կարճ ժամանակահատվածում: Ապրիլի 2-ին ընտրեք հինգ տարի անդադար ձեր շահերը պաշտպանող, աշխատող, օրենք գրող ու վերահսկող ձեր պատգամավորին: Ձեր Պատգամավորը Տիգրան Ուրիխանյանն է: |
Աղբյուրը` FMG.NEWS
Հավանել
0
Չհավանել
0
3737 | 0 | 0 | 0