1890 թվականին Պիետրո Մասկանիի կողմից ստեղծված «Գեղջկական ասպետություն» օպերայի համերգային կատարումն այսօր հնչեց "Արամ Խաչատրյան" համերգասրահում՝ Հայաստանի Պետական Ֆիլհարմոնիկ Նվագախմբի և "Հովեր" պետական կամերային երգչախմբի կատարմամբ: Դիրիժոր Էդուարդ Թոփչյանի ղեկավարությամբ իրականացված այս գեղեցիկ համերգը նվիրված էր կոմպոզիտոր Պիետրո Մասկանիի 150-ամյա հոբելյանին: Նշենք, որ այս օպերան Հայաստանում առաջին անգամ բեմադրվել է 54 տարի առաջ՝ Յու. Դավթյանի գլխավորությամբ: