TestDaF: Test Deutsch als Fremdsprache
Ներկայումս շատ են երիտասարդները (և ոչ միայն), ովքեր ցանկանում են ուսանել և աշխատել Գերմանիայում: Հետևաբար, անհրաժեշտություն է առաջանում հանձնելու գերմաներեն լեզվի իմացությունը հաստատող քննական թեստեր: Ուստի, այս հոդվածում, ցանկանում ենք Ձեր ուշադրությանը ներկայացնել TestDaF թեստի վերաբերյալ մանրամասներ։ Գերմանիայում ԲՈՒՀ ընդունվելու համար բավարար է հասնել «TDN 4» մակարդակի` քննական չորս մասերից յուրաքանչյուրում (եթե դիմորդը հետևել է ուսումնական հաստատության մնացած բոլոր պայմաններին) ։ Գերմանիայի որոշ ԲՈՒՀ-երում գործում են մասնագիտություններ, որտեղ ընդունվելու համար բավարար է «TDN 3» ։ «TDN 5» գնահատականը վկայում է գերմաներենին գերազանց տիրապետելու մասին։ Յուրաքանչյուր գերմանական ԲՈՒՀ օտարերկրյա դիմորդների համար ներկայացնում է իր պահանջները, այդ պատճառով, մասնագիտություն ընտրելուց ու փաստաթղթեր ուղարկելուց առաջ, խորհուրդ է տրվում ճշտել, թե TestDaF-ի ի՞նչ արդյունքներ են անհրաժեշտ։ Որպես կանոն, այդ տեղեկությունը տեղադրված է ԲՈՒՀ-ի կայքում։ Սերտեֆիկատը վկայում է այն մասին, որ դրան տիրապետողը ընդունակ է.
Քննության անցկացման պայմանները Քննությունը կարող են հանձնել բոլոր նրանք, ովքեր.
Որտե՞ղ կարելի է հանձնել TestDaf TestDaF քննություն կարելի է հանձնել Գերմանիայի 150 քննական կենտրոններից որևէ մեկում (Testzentrum), կամ այլ երկրում գտնվող լիզենցավորված կենտրոնում։ Թեստավորումն անցկացվում է տարեկան մի քանի անգամ, ժամկետները նախապես նշվում են TestzentreninDeutschland ինստիտուտի պորտալում։ Ի՞նչ է անհրաժեշտ TestDaF քննությանը գրանցվելու համար Քննությանը մասնակցելու համար անհրաժեշտ է գրավոր դիմում ներկայացնել նախապես ընտրված քննական կենտրոն։ Դիմումի ձևը տրամադրվում է հենց կենտրոնում, կամ կարելի է օգտվել օնլայն տարբերակով՝ քննական կենտրոնի պաշտոնական կայք։ Որպես կանոն, քննությունների անցկացումից 6 շաբաթ առաջ, դիմումների ընդունումը դադարեցվում է։ Ինչպե՞ս է անցնում քննության հանձնումը Յուրաքանչյուր վարժություն և թեմա համապատասխանում է ավագ դպրոցի գիտելիքներին՝ հաշվի առնելով այն հանգամանքը, որ թեստը նախատեսված է ցանկացած դիմորդի համար՝ անկախ նրա մասնագիտությունից։ Քննության տևողությունը կազմում է 190 րոպե (չհաշված բլոկների միջև եղող ընդմիջումները) ։ 1. Leseverstehen, հասկանալ գրավոր տեքստը Փուլի տևողությունը՝ 60 րոպե։ Նրա հիմնական նպատակն է. հաստատել տարատեսակ գիտական թեմաների շուրջ նյութի ընկալունակությունը։ Քննություն հանձնողներին, ծանոթության համար, առաջարկվում են 3 տեքստեր, և 30 վարժություններ, որոնք վերաբերվում են տվյալ նյութի բովանդակությանը։ 2. Horverstehen, լսում Փուլի տևողությունը՝ 40 րոպե։ Իմաստը կայանում է խոսքի լսողական ընկալման մեջ։ Որպես կանոն, դրանք 3 աուդիոտեքստեր են և 25 վարժություններ՝ դրանց շուրջ։ 3. Schriftlicher Ausdruck, գրավոր հանձնարարություն Փուլի տևողությունը՝ 60 րոպե։ Ուսանողի խնդիրն է. գրել շարադրություն տրված թեմայով, ընդ որում տեքստը պետք է բաժանված լինի 2 մասերի։ Առաջին մասում բերվում են վիճակագրական տվյալներ, որոնք կարող են ներկայացված լինել աղյուսակի կամ գրաֆիկի տեսքով, իսկ երկրորդ մասը ներկայացնում է Ձեր սեփական կարծիքը տվյալ հարցի շուրջ։ 4. Mündlicher Ausdruck, բանավոր խոսք Փուլի տևողությունը՝ 30 րոպե։ Ուսանողը պետք է ցուցաբերի գերմաներեն լեզվով զրույց վարելու իր հմտությունները։ Փուլը նախատեսում է տարբեր բարդությունների 7 խոսքային իրավիճակներ։ Բոլոր վարժությունները լսվում են կրիչի միջոցով, իսկ պատասխանները ձայնագրվում են կրիչի վրա՝ հետագա ստուգման համար։ TestDaF թեստի առավելությունները.
Ինչպե՞ս է գնահատվում քննությունը. TestDaF-ի գնահատման արդյունքների սանդղակը. TDN 5 - «TestDaF 5» մակարդակ TDN 4 - «TestDaF 4» մակարդակ TDN 3 - «TestDaF 3» մակարդակ Մակարդակները համապատասխանում են B 2.1-C 1.2` համաձայն Եվրոպական խորհրդի սանդղակի (Gemeinsamer europäischer Referenzrahmen - GER): TestDaF սերտեֆիկատը` գնահատականներով, գալիս է քննություն հանձնելուց 2, 5 ամիս հետո՝ փոստով։ TestDaF հանձնման արժեքը. TestDaF –ը տարբեր երկրներում ունի տարբեր արժեքներ՝ 170-180 եվրո, ուստի այն պետք է ճշտել քննական կենտրոնում։ Եթե չեք կարող մասնակցել քննությանը նշանակված օրը, ապա իրավունք ունեք հրաժարվել մինչև փաստաթղթերի հանձնման վերջնաժամկետը։ Այդ դեպքում Ձեզ կվերադարձվի գումարի 80%-ը։ Մինչդեռ, եթե քննությունից հրաժարվելու մասին տեղեկացնում եք վերջին 6 շաբաթների ընթացքում, ապա գումարը չի վերադարձվում։ |