Ուրախ եռուզեռ էր Փոքր Վեդու մշակույթի տան դահլիճում: Սպասված այս օրը՝փետրվարի 26-ին, անհամբեր սպասում էին Ա8+թատրոնի պատանի դերասանները: Նրանց հրավերով համայնքը հյուրընկալել էր գրող, գրականագետ, լրագրող Հովիկ Չարխչյանին: Հրավիրված էր նաև գրողի մայրը՝ Զուբեյդա Գեղամյանը: Պատանի դերասաններն բեմականացրին Հ.Թումանյանի «Գիքորը» և ամբողջությամբ դահլիճը շնչեց թումանյանական շնչով: Պատանի դերասանների կատարումները արժանացան բուռն ծափահարությունների:
Հովիկ Չարխչյանը ողջունեց պատանի դերասաններին և մաղթեց լավագույնը, ասելով, որ թատրոնը գիրք կարդալու հնարավորություն է ընձեռնում և պահենք պահպանենք ժողովրդի կողմից դժվարությամբ ստեղծվածը:
Հանդիպում-միջոցառումը ողջունեց նաև միջոցառմանը հրավիրված մեր դպրոցի շրջանավարտ, Սուրենավանի միջնակարգ դպրոցի տնօրեն Վալյա Ավետիսյանը:
Այնուհետև հանդիպումը շարունակվեց գյուղի գրադարանում:
Գրողի և աշխուժ հանդիսատես–ուսուցիչների, գրադարանի ընթերցողների, պատանի դերասանների, ուսանողուհի Աստղիկ Առաքելյանի, ավագանու անդամ Գալուստ Մանուկյանի, Արցախի գոյամարտի մասնակից Հեղինե (Ջեմմա) Հովհանիսյանի, Վալյա Ավետիսյանի, Սուրենավանի դպրոցի ուսուցչուհի Նաիրա Զեյնալյանի միջև սկսվեց մտերմիկ, ուրախ և ոգևորող հրաշալի զրույց: Զրույցի ընթացքում Հովիկ Չարխչյանի հետ քննարկեցինք հետագա հանդիպումների պլանը, իսկ մեր կողքին սուրբ-սրբոց մայրը՝Զուբեյդա Գեղամյանը ապրում է իր ամենամեծ մայրական երջանկությունը՝ որդու հաջողությունների համար:
Վերջում հանդիպում –միջոցառման ներկա գյուղապետ Նորիկ Մարտիրոսյանը իր շնորհակալությունը հայտնեց գրող Հովիկ Չարխչյանին՝ հրավերը ընդունելու և մասնակցելու համար, ակնկալելով նոր հանդիպումներ:
Այստեղ լավ է հնչում Ջանսուղ Չարկվիանու խոսքերը, _Օրնյալ է այն երկիրը, որ հանճարեղ զավակներ ունի…
Եվ մենք հպարտանում ենք մեր զավակ, գրող, գրականագետ, լրագրող Հովիկ Չարխչյանով:
ԶԱԲԵԼԱ ԱԲԵԼՅԱՆ
