Հոդվածներ

    
    
    
    
    
    
    
    
    
    
    
    
    
    
    
    
    
    
     ՄՏՈՐՈՒՄՆԵՐ
     (Աֆորիզմներ)
    
    
    

***
     Մարդկության ամենամեծ թշնամին Նախանձն է:
    
     ***
     Տիեզերական մասշտաբներով արևն է անգամ մարխի մի տաշեղ:
    

***
     Տենչերիդ ընդառաջ վազելիս աշխատիր բանականությունդ ու խիղճդ չկորցնես:
    
     ***
     Զղջման արցունքներով է մաքրվում հոգին:
    
     ***

Պահերն ու ժամանակներն էլ նման են մարդուն`
     լինում են երջանիկ կամ տխուր...
    
     ***
     Ժամանակները մարդկանց գործերով են բնութագրվում:
    
     ***
     Հավատն ամենազոր է, եթե քարոզիչներն իրենք չեն ապականում այն իրենց անպատշաճ վարքով...
    
     ***
     Լոկ երկնքին ապավինողը, երկրի վրա միայն իր կյանքն է քարշ տալիս:
    
     ***
     Երեխանե'ր, ծնողներն էլ մարդիկ են, խղճացե'ք նրանց:
    
     ***
     Սխալվել կարող են բոլորը, բայց միայն հիմարն է անվերջ կրկնում նույն սխալը:
    
     ***

Ավաղ, բարուն գնահատողն էլ չարն է:

    

***

Սերն աճում է, երբ շատերին ես բաժանում:

    

***

Ներողամիտ եղիր և քո հոգին խաղաղ կլինի:

    

***

Չգիտակցված մեղքը փորձանք է, իսկ գիտակցվածը` հանցագործություն:

    

***

Ոչ միայն պարգևին` պատժին էլ է պետք է արժանի լինել:

    

***

Դժվար պայմաններում մեղք գործելը հեշտ է:
    
     ***
     Հաճախ հանգամանքներն են մարդուն մղում ակամա հանցանքի:

    

***

Մեկին հնարավորությունն է հանցանքի մղում, մյուսին` դրա բացակայությունը:

    

***

Հանցագործը նա է, ով կարող է մեղք չգործել, բայց գործում է:

    

***

Մարդուն խաչում են ու ասում ժպտա` ցույց տուր, որ գոհ ես քո տառապանքից:

    

***

Ինչպես հայրենիքն ու ծնողներին, մեր ապրելու ժամանակը նույնպես մենք չենք ընտրում:

    

***

Աներեսությունը երախտամոռության մեդալի մյուս երեսն է:

    

***

Ամենավտանգավորը նա է, ում հետ շփվելիս չես հասկանում` ուրախանում է քո հաջողություններով, թե նախանձից պայթում, բայց առերես ժպտում է: