Ֆրանսիական Շամբլե Բյուսեր ավիաբազայում 408 օդապարիկներ միաժամանակ երկինք են բարձրացել՝ ստեղծելով հեքիաթային պատկեր ավիաբազայի վերևում։ Հարյուրավոր գունավոր օդապարիկների մասնակցությամբ այս ռեկորդը գերազանցել է նմանատիպ նախորդ ռեկորդին, որը սահմանվել է մոտ 1 շաբաթ առաջ՝ կրկին Ֆրանսիայում, երբ միաժամանակ երկինք է բարձրացել 343 օդապարիկ։
Այս միջոցառումը բավական տարածված է Ֆրանսիայում և մշտապես գրավում է աշխարհի տարբեր երկրների օդագնացների ուշադրությունը։ Սակայն օդապարիկներով նման ռեկորդ սահմանելն իրականում այդքան էլ հեշտ չէ, քանի որ շատ հաճախ խանգարում է վատ եղանակը։ Օրինակ՝ 2011թ. հարյուրավոր օդագնացներ ստիպված են եղել հետաձգել իրենց միջոցառումն ուժեղ քամու պատճառով։
