1980 թվականի սեպտեմբերի 17-ին սպանվել է Նիկարագուայի նախկին նախագահ Անաստազիո Սոմոզա Դըբելը: Նրան սպանել են կոմունիստական գաղափարախոսությամբ առաջնորդվող Սանդինիստական ազգային-ազատագրական ճակատի պարտիզանները, սպանել են Պարագվայի մայրաքաղաք Ասունսիոնում, Նիկարագուայից փախչելուց մեկ տարի երկու ամիս անց: Երբ նրա զրահապատ «Մերսեդես-Բենց» -ը Ասունսիոնի փողոցներից մեկում կարմիր լույսի տակ կանգ է առել, պարտիզանները սկզբում ավտոմեքենայի վրա կրակել են նռնականետից, հետո նախկին նախագահին սպանել են ինքնաձիգային կրակահերթերով: Հարձակվողներից մեկին սպանել է Սոմոսայի թիկնապահը, մյուսները թաքնվել են:
Միայն 2001 թվականին է բացահայտվել, որ սպանության հանձնարարությունը տվել է Սանդինիստական ազգային-ազատագրական ճակատի ղեկավար Թոմաս Բորխեն, իսկ հանձնարարությունն ի կատար է ածել արգենտինացիներից կազմված «Ազգային հեղափոխական բանակ» խմբավորումը Էնրիկե Մերլոյի գխավորությամբ: Կազմակերպությունը ահաբեկչական հարձակումներ է կատարել Լատինական Ամերիկայի այն վարչակարգերի վրա, որոնց համարել է բռնապետական կամ իմպերիալիստական:
