Խնդրում ենք սպասել...

Հոդվածներ

Ինչքան շատ եմ ճանաչում մարդկանց, այնքան շատ եմ սիրում շներին

Hasmik
Հեղինակ`
Hasmik
19:06, երկուշաբթի, 18 փետրվարի, 2019 թ.
Ինչքան շատ եմ ճանաչում մարդկանց, այնքան շատ եմ սիրում շներին


    
    
    
    
    
    
    
    
    
    
    
    
    
    
    
    
    
    
    
    
    
    
    
    
    
    
    
    
     Ինչքան շատ եմ ճանաչում մարդկանց, այնքան շատ եմ սիրում շներին


    

Մեր քաղաքը ծայրահեղությունների քաղաք է: Կամ շատ-շատ լավ, կամ շատ-շատ վատ: Միջին որակներ չկան: Նույնն էլ կենդանիների հարցում: Գյումրու քաղաքապետարանի ավագանու մակարդակով որոշում է կայացվում կրակելով վնասազերծել շներին: Իսկ քաղաքապետարանից մի քանի փողոց վերև` Ղանդիլյան 95/6 հասցեում կողմնորոշումը ճիշտ հակառակն է` փրկել կենդանիներին ինչքան հնարավոր է:

ՎԱՐԴԱՆ ՀԱԿՈԲԻ ԲԱՂԴԱՍԱՐՅԱՆ

Ցանկացած զգայուն Գյումրեցի այս հասցեն գիտի անգիր, իսկ Վարդանին ճանաչում է առաջին իսկ խոսքից: Այդ հասցեն մի փոքրիկ, մաքրամաքուր կլինիկա է հիշեցնում: Շատ-շատ մասնավոր ու պետական բուժ-հիմնարկներ, պոլիկլինիկաներ, ատամնաբուժարաններ պիտի որ նախանձեն այն պայմաններին, որ ստեղծել է Վարդան Բաղդասարյանը և որտեղ փողոցում հայտնված վնասված ու վիրավորված, խեղված ու կրակված փիսիկներն ու շնիկները իրենց զգում են ինչպես դրախտում:

Դժվար է պահպանողական Գյումրիում հաղթահարել որոշ բարդույթներ: Ինչպես նաև թափառող կենդանիների նկատմամբ երկակի վերաբերմունքը: Տարիներ շարունակ բժշկին հաջողվել է իր լուռ ու համառ աշխատանքով ստեղծել մտածողության մի ոլորտ, որտեղ այդ նույն պահպանողական Գյումրեցին անճանաչելի կենդանասեր է դառնում:

Վարդանը զուսպ է, ինքնամփոփ, զգայուն, որևէ պարտադրանքի չենթարկվող, ուղղամիտ, շքեղություն չի սիրում, ֆինանսներն էլ իր համար նպատակ չեն...

Հրաշալի է, որ այս օազիսը կա Գյումրիում և կա նրա նման բացառիկ նրբանկատ ու զգայուն մարդ, ով ցանկացած պահի, ցանկացած ժամի կարող է օգնել փողոցում հայտնված փիսիկին կամ շնիկին:

Հրաշալի է և մեր քաղաքի համար հազվադեպ:
     Հասմիկ Մելքոնյան Գյումրի

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
6149 | 0 | 0
Facebook