Մոսկվան Թեհրանին նախազգուշացրել է, որ ապրանքաշրջանառության ոլորտում համագործակցության ընդլայնման դեպքում անթույլատրելի է համարում Իրանի տարածքով թուրքական ապրանքների արտահանումը Ռուսաստան: Այս մասին РИА Новости-ին է հայտնելԱֆղանստանի հարցով ՌԴ նախագահի հատուկ ներկայացուցիչ, արտգործնախարարության Ասիայի 2-րդ վարչության պետ Զամիր Քաբուլովը:
Թեհրանի համար ռուսական շուկան կարևոր է. նա պատրաստ է զբաղեցնել Թուրքիայի տեղը և թուրքական գյուղապրանքներն իր տարածքով արտանելու հետաքրքրություն չունի, - РИА Новости-ին տված հարցազրույցի ժամանակ նշել է Քաբուլովը, - հավելելով, որ Իրանն այսօր ցանկանում է գրավել Թուրքիայի կորցրած ռուսական շուկան, հատկապես՝ գյուղմթերքի: Սակայն դժբախտությունը նրանում է կայանում, որ թուրքական գյուղատնտեսական ապրանքներն անցնում են Իրանի տարածքով: Մենք Թեհրանին նախազգուշացրել ենք, որ դա թույլ չենք տա:
Նշենք, որ 2015թ. նոյեմբերի 24-ին թուրքական կողմից Սիրիայում ռուսական ՍՈւ-24 ռմբակոծիչի ոչնչացումից հետո ՌԴ նախագահը ազգային անվտանգության ապահովման և Թուրքիայի հետ հարաբերություններում հատուկ տնտեսական միջոցառումների վերաբերյալ հրամանագիր էր ստորագրել, իսկ 2016թ. սկզբից արգելվել է Թուրքիայից մի շարք ապրանքատեսակների ներմուծումը:
