ժԱՆՏԱՏԵՍԻԼ ԽՌՈՎՔ Ժանտատեսիլ խռովք Դժոխքում` դաժան, դժխեմ ու դժվար,
Դժվժում են հեղգ դևերը դժնի,
Դժգոհ խաժամուժ` դժբախտ, դիվահար,
Գամված են բաժան թեժ ապառաժին:
Իբրև մի դժգույն գիժ նժդարենի`
<<Դավաճան>> դշխոն դոփեց դժնդակ,
Ծարավ է Ժայռը արբշիռ վրեժի,
Այդ գորշ քարենին` ժեռ ու այլանդակ:
Գահավիժելով Ժահրը գուժկան`
Աժդահա, ինչպես Ժամանակը ծեր,
Դեժավյուն դարձրեց, ցավոք, իրական,
Դժպատեհ մի ուժ, անհրաժեշտ չար բեռ:
Դիրիժորի պես գժդմնած դեմքով,
Վիրաբուժական նշտարի նման`
Մխրճեց Ժանտը ճիրանը խռով`
Որպես բժշկման անհոգի դարման: