Վրացերենի տոնը Երևանի «Մխիթար Սեբաստացի» կրթահամալիրում
Ապրիլի. 2014
Ապրիլի 4-6-ը Երևանում նշվելու է «Վրացերենի օրեր կրթահամալիրում» ավանդական միջմշակութային նախագիծը:
Թիֆլիսից ժամանելու են ազգային երգի-պարի խումբ, վրացի աշակերտներ, մանկավարժներ եւ ծնողներ: Երեք օր Հայաստանի եւ Վրաստանի մայրաքաղաքների դպրոցների ներկայացուցիչները կիրականացնեն կրթական-մշակութային բազմաթիվ ծրագրեր (անվանացանկն ու ժամանակացույցը կցվում են): Մանրամասները՝ mskh.am կայքում:
ԱՎԵԼԻ ՎԱՂ՝ «Հայ-վրացական հանրակրթական կամուրջներ» ծրագրով 2014թ. մարտի 24-29-ը Թբիլիսիի մեր գործընկեր թիվ 98 դպրոցի հրավերով կրթահամալիրի ավագ դպրոցների սովորողների ու դասավանդողների խումբը եղավ Թբիլիսիում. էկոլոգների ակումբը ներկայացրեց «Ճառագայթ» թեման և «Հանրակրթական էկոտուր 2014» ամենամյա ստուգատեսը, վրացերենի խորացված ուսուցման և կինո-ֆոտո ակումբի սովորողները մասնագիտական փորձառություն իրականացրին իրենց հասակակիցների հետ, Գեղարվեստի ավագ դպրոցի սովորողները ներկայացրեց «Բարև, պարոն Պիկասո» ցուցահանդեսը, երաժշտական լաբորատորիան հանդես եկավ համերգային ծրագրով: Ուսումնական նախագիծը մանրամասն լուսաբանվեց mskh.am-ում:
Միջոցառումները տեղի կունենան ապրիլի 4-ից 6-ը Երեւանում՝ «Մխիթար Սեբաստացի» կրթահամալիրում:
ՀԱՍՑԵ` ՀԱՅԱՍՏԱՆ, ԵՐԵՒԱՆ, ՀԱՐԱՎԱՐԵՒՄՏՅԱՆ ԶԱՆԳՎԱԾ, ՐԱՖՖՈՒ 57 (ՏԵՍՆԵԼ ՔԱՐՏԵԶԻ ՎՐԱ)
ՀԱՄԱԿԱՐԳՈՂ ՆԱԻՐԱ ՆԻԿՈՂՈՍՅԱՆ
ՀԵՌ` +374 (10) 74 72 46
ԲՋՋ՝ +374 (91) 43 10 99
էլ. փոստ՝ nikonar@mskh.am