Հոդվածներ

Սուրենավան համայնքը գտնվում է Արարատի մարզում և մարզի բազմահոգս ու բազմախնդիր համայնքներից մեկն է: Տարիներ շարունակ այստեղ գլխավոր խնդիրը եղել ու մնում է խմելու ջուրը, որի պակասն առավել քան զգացվում է ամռան օրերին: Համայնքում ջրի բաշխման գրաֆիկ ընդհանրապես գոյություն չունի, իսկ առանձին թաղամասեր ջուր ունենում են 7-10 օրը մեկ: Բոլորիս պարզ է՝ ինչ հիվանդություններ կարող են զարգանալ այս պարագայում և ինչի կարող է հանգեցնել այս գերխնդիրը: Համայնքի բնակիչները մոլորված վիճակում են, քանի որ բազմիցս պատկան մարմինների ուշադրությունը հրավիրվել է այս խնդրին, բայց ապարդյուն: Գերակա հարցը եղել և մնում է՝ ո՞վ պետք է լուծի այս խնդիրը և որքա՞ն է տևելու այս բարձիթողի վիճակը: