Articles

Ուրիշի սիրո պատմության բեմին
     Ոչ կռարձան ես, ոչ էլ հուշարար,
     Չի էլ աղերսվում երկուսը մեկին,
     Անկախ թե ով է ցավի ազդարար։
     Տպավորության այս խաղը կեղծ էր,
     Նույն դեկորներն են քանի հին բեմին,
     Դու քո ասմունքով ոչինչ չես եղծել,
     Թատրոնի մեջ ես, թե նրա շեմին։
     Տևողությունը չափ- ժամանակի
     Քո ներս ու դրսից երբեք չի փոխվում,
     Մնջկատակներին ոչ էլ ծանակի,
     Նրանք անցորդ են քո հին փողոցում։