Բաց նամակ Քաջարանի քաղաքատին
Պարոն Քաջարանի քաղաքապետ,
Ես չեմ դատում ձեզ, այլ ցավում եմ, որ ձեր հոգին փոքրանում է շագրենու կաշվի պես: Մենք բոլորս Աստծո արարածներն ենք և Բարևն էլ` Աստծունն է: Քաջարանում այդ ոչ թե դուք չցանկացաք ձեր ձեռքը բարձրացնել և Րաֆֆու բարևին բարևով հրաժեշտ տալ, այլ դա Աստծո կամքն էր, որ թույլ չտվեց ձեզ, քանի որ դրանից առաջ խախտեցիք կարևոր մի պատվիրան` սուտ վկայություն տվեցիք և այդ մեղքից ծանրացած նույն ձեռքով խաչակնքվեցիք` շարունակելով փոքրացնել ձեր հոգին:
Մեզ` ժողովրդիս, մնում է աղոթել Աստծուն բոլորիս համար, իսկ ձեզ` ընդունել ձեր մեղքը և ապաշխարել ձեր հոգու փրկության համար:
Մեր ուժը մեր պաշտոնի, աթոռի, ունեցվածքի մեջ չէ, այլ կարողություն ունենալու գիտակցել սեփական մեղքերը և ապաշխարելու` հիշելով, որ առաջինը Քրիստոսի հետ դրախտ մտավ ավազակը:
Մնաք բարով:
Ծնունդով Քաջարանից` Կարինե Հայրապետյան
