Լոռու մարզում ուժեղ ձնաբուք է: Դժվարանցանելի են միջհամայնքային ավտոճանապարհները: Ինչպես տեղեկանում ենք Արտակարգ իրավիճակների նախարարության պաշտոնական կայքէջից (ema.am), ժամը 17:00-ի դրությամբ դժվարանցանելի են մարզի Տաշիր-Գոգավան, Տաշիր-Մեծավան միջհամայնքային ճանապարհները: Մեզ տեղեկացրեցին, որ այսօր առավոտյան խցանումներ են եղել Դսեղ-Վանաձոր ճանապարհահատվածում: Դսեղ-Մարց ճանապարհահատվածը ևս խիստ դժվարանցանելի է: Ճիշտ է՝ Դսեղում գլխավոր ճանապարհները մաքրվել են ձյունից, սակայն միջհամայնքային ճանապարհները պատված են սառույցով, իսկ ձնաբուքն ավելի է դժվարացնում մարդկանց և մեքենաների շարժը: Ներկայացվող տեսանյութը նկարահանվել է Լոռու մարզի Դսեղ գյուղում:
