2020թ. Ադրբեջանի սանձազերծած պատերազմից հետո Արցախում ստեղծված իրավիճակի, արցախցիների իրավունքների պաշտպանության հիմնախնդիրների քննարկման նպատակով տեղի է ունեցել հանդիպում
«ԳԵՆ» նախաձեռնությունների կենտրոնի հիմնադիր Արմինե Ավագիմյանի եւ Իրավունքի և արդարության կենտրոն «Թաթոյան» հիմնադրամի տնօրեն Արման Թաթոյանի և հիմնադրամի ներկայացուցիչ Տաթևիկ Թոխյանի հետ։
Արցախահայությունը շատ բարձր է գնահատում Արման Թաթոյանի ջանքերը՝ ուղղված միջազգային հարթակներում արցախահայությանիրավունքների մասին մշտապես բարձրաձայնելու, զեկույցներով եւ հնարավոր բոլոր եղանակներով իրավիճակը ներկայացնելու նախաձեռնություններին, եւ հետեւում նրա հայանպաստ գործունեությանը։
Արման Թաթոյանը շեշտել է, որ արցախահայության իրավունքների պաշտպանությանն առնչվող հիմնահարցերը գտնվում են Իրավունքի և արդարության կենտրոն «Թաթոյան» հիմնադրամի, եւ անձամբ իր ուշադրության ներքո։
Կողմերը պայմանավորվել են համագործակցել մի շարք ուղղություններով, այդ թվում՝ տեղահանվածների իրավունքների պաշտպանության։
