Անիրատեսական ենք համարում Արցախի Հանրապետության Սահմանադրության նախագիծը ընդամենը յոթօրյա ժամկետով՝ սույն թվականի սեպտեմբերի 23-ից մինեւ 30-ը, հանրային քննարկման դնելու գործընթացի արդյունավետությունը։ Նախատեսված ժամկետը, հարթակն ու ձեւաչափը անբավարար են, եւ ԱՀ նախագահին առընթեր սահմանադրական բարեփոխումների մասնագիտական հանձնաժողովի կողմից կայացրած այս որոշումը համարում ենք հապճեպ, Սահմանադրության շահառուների լայն շրջանակների համար չհիմնավորված եւ արհեստականորեն խոչընդոտող՝հանրությանը նախագծով առաջարկվող փոփոխություններին ծանոթանալու, մասնակից լինելու եւ առաջարկություններ ներկայացնելու համար։
