Խնդրում ենք սպասել...

Հոդվածներ

Կորսիկա կղզին և Ֆրանսիայի ապագա կայսրին գնել է Ֆրանսիայի Լյուդովիկոս 15-րդ թագավորը

22:01, երկուշաբթի, 10 հունվարի, 2022 թ.
Կորսիկա կղզին և Ֆրանսիայի ապագա կայսրին գնել է Ֆրանսիայի Լյուդովիկոս 15-րդ թագավորը

1768 թվականի մայիսին Լյուդովիկոս 15-րդն ընդունել է Ջենովայի հանրապետության առաջարկը. Կորսիկա կղզին Ֆրանսիային հանձնելու դիմաց նա ներել է այդ պետության երկու միլիոն լիվր պարտքը: Մշտապես անհնազանդ կորսիկացիների կարծիքը Ջենովայի իշխանությունները հաշվի չեն առել, և այդ գործարքից դժգոհ կղզիաբնակներն ապստամբել են նոր տիրողների դեմ: Ֆրանսիան 7500 զինվոր է ուղարկել ապստամբությունը ճնշելու համար, բայց այդ զորախումբը ջախջախվել է: Մեկ տարի անց կորսիկացիներին հնազանդեցնելու համար Լյուդովիկոս 15-րդը 22 հազար զինվոր է ուղարկել Կորսիկա: Ապստամբները դաժանորեն պատժվել են: Ընդամենը հարյուր կորսիկացի ապստամբ է կարողացել փրկվել: Փրկվածների մեջ է եղել ամուսնական մի զույգ. հղի վիճակում գտնվող կինն ասել է. «Իմ որդին լինելու է Կորսիկայի վրիժառուն»: Երեք ամիս անց նա արու զավակ է ծնել, նա ծնել է մեծագույն կորսիկացուն, Եվրոպայի առաջին միավորողին՝ Նապոլեոն Բոնապարտին:

Նկարում՝ Բոնապարտ ընտանիքի զինանշանը՝ մինչև Նապոլեոն Առաջինը:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
2387 | 0 | 0
Facebook