Խնդրում ենք սպասել...
Այսօր`  հինգշաբթի, 28 հոկտեմբերի, 2021 թ.
Թելեգրամ

Հոդվածներ

Պետական լեզվի կարգավիճակը մասնակի սահմանափակած վարչապետին պարզապես սպանել են

19:22, կիրակի, 26 սեպտեմբերի, 2021 թ.
Պետական լեզվի կարգավիճակը մասնակի սահմանափակած վարչապետին պարզապես սպանել են

1959 թվականի սեպտեմբերի 26-ին հրազենային վերքերից մահացել է Ցեյլոնի (այժմ՝ Շրի Լանկա) վարչապետ, Ցեյլոնի Ազատության կուսակցության առաջնորդ Սոլոմոն Բանդարանայիկեն:

1956 թվականին գալով իշխանության՝ նա անգլերեն և թամիլերեն լեզուները զրկել է պետական լեզվի կարգավիճակից և «Մեկ ազգ՝ մեկ լեզու» կարգախոսի ներքո երկրի միակ պաշտոնական լեզու է հռչակել սինգալերենը: Բայց1958 թվականին վարչապետը ստիպված է եղել զիջումներ կատարել թամիլներին՝ ընդլայնելով նրանց իրավունքները: Նա աջակցել է առևտրի ոլորտում թամիլերենի մասնակի ճանաչման մասին օրենքի ընդունմանը: Այս մասնակի զիջումը հարուցել է սինգալ ծայրահեղականների զայրույթը: Կայացվել է վարչապետին սպանելու վճիռ:

Մահափորձը տեղի է ունեցել սեպտեմբերի 25-ին: Այն իրագործել է ազգությամբ սինգալ բուդդայական կրոնավոր Թալդուվե Սամարաման, որը որպես հոգևորական իրավունք է ունեցել առանց խուզարկվելու մտնել վարչապետի նստավայր: Հագուստի տակ ռևոլվերը թաքցրած Սամարաման մի քանի անգամ դիմահար կրակել է 60-ամյա Բանդարանայիկեի վրա: Կրակելուց անմիջապես հետո նրան զինաթափել ու ձեռքերը ոլորել են: Վարչապետը հասցրել է իր ենթականերից պահանջել, որ ահաբեկչին մահվան չդատապարտեն, բայց նրա մահից հետո դատավորները միաձայն հաստատել են մահավճիռը:

Բանտում քրիստոնեություն ընդունած Սամարամային կախել են:

Վարչապետի մահից հետո Ցեյլոնի Ազատության կուսակցությունը գլխավորած նրա այրին՝ Սիրիմավոն, 1960 թվականին նշանակվել է երկրի վարչապետ՝ դառնալով աշխարհում առաջին կին վարչապետը, իսկ ավելի ուշ նրա դուստրը՝ Շանդրիկա Կումարաթունգան, դարձել է Շրի Լանկայի նախագահ:


    
Շանդրիկա Կումարաթունգա (2005 թ.)
Շանդրիկա Կումարաթունգա (2005 թ.)
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
428 | 0 | 0
Facebook