Խնդրում ենք սպասել...
Թվիթեր

Հոդվածներ

Աստծու մոտ, սրբերի և չարքի

23:00, երեքշաբթի, 22 հունիսի, 2021 թ.
Աստծու մոտ, սրբերի և չարքի
    
Աստծու մոտ, սրբերի և չարքի,
Երկնքում և երկրին կողահար,
Քո փառքից, ինձ նման անաչքից
Ժպիտդ թե Աստված գողանար,
Ասա, որ ես եմ մեղավոր։
Մորդ մոտ, քրոջդ, ուրիշի
Եվ կայծքար չտեսած աբեթի,
Երբ հրես դուռը քո վերհուշի,
Մարդ մնա, որ մահս ավետի,
Ասա, որ ես եմ մեղավոր։
Երբ ներսուդուրսդ իրար չեն հաշտվում
Եվ քեզ թվում է, որ ինձ ես պաշտում,
Ակնախեցուդ մեջ մոտ, թե հեռավոր
Մեկն էլ չմնա ինձնից անսովոր,
Ասա, որ ես եմ մեղավոր։
Անդիմադիր եմ թե անգամ դատում,
Եվ հոգուդ չալը էլ չեմ դրվատում,
Էն խատուտիկի օղին դատարկում,
Ինձ եմ կորցնում վերջին դրվագում,
Ասա, որ ես եմ մեղավոր։
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
334 | 0 | 0
Facebook