Հոդվածներ

Առաջ կարոտի իմ եռանկյունին
     Երեք կողմ ուներ ու մի վեց անկյուն,
     Առաջ պանդուխտի երգն իմ՝ անտունին,
     Քանի չէր հնչում, տունն էր իմ կանգուն։
     Առաջ տաղավար օրերից առաջ
     Ավելյաց ամսի տարին էր նահանջ,
     Առաջ տողաքաշ գործիքս՝ քանոն,
     Քնարս՝ անկսմիթ, կյանքս էր անկանոն։
     Առաջ և հիմա հարբելուց առաջ
     Նույն ծայրից մտնում և հեռանում եմ,
     Վաղն էլի նույնն է, տանելով շահած
     Իմ մահից առաջ դեռ ծերանում եմ։