Խնդրում ենք սպասել...
COMMENT.am
Այսօր`  հինգշաբթի, 18 հուլիսի, 2019 թ.

Հոդվածներ

ԻՆՉՊԵՍ ՄԻՇՏ

09:21, չորեքշաբթի, 26 հունիսի, 2019 թ.
ԻՆՉՊԵՍ ՄԻՇՏ
    
    
    

Դո՛ւ գրկեցի՜ր ինձ,

Ինչ-որ ա՜յլ տեսակ, բայց ինչպես և մի՜շտ,

Ասացիր.

- Հավատո՜ւմ եմ, -

Հստակ էր ձայնդ՝

Մի տեսակ ինտի՜մ…


    

Ասացի՜ր.

- Քեզ չե՜մ պատկանում,

Ինչպես որ երկինքը ո՛չ մեկին,

Ասացիր.

- Երկի՜նքն եմ քո -

Ինչ-որ ա՜յլ տեսակ, բայց ինչպես և միշտ…


    

Ասացի՜ր.

- Քո օ՜դն եմ, պահի՛ր քո ներսում,

Մի՛ արտաշնչիր,

Զգացի, որ խեղդվո՜ւմ եմ -

Ինչ-որ ա՜յլ տեսակ, բայց ինչպես և մի՜շտ…


    

Ասացիր.

- Տարվա եղանա՜կ ենք մենք,

Հինգերո՜րդ եղանակ, որտեղ լավ է մեզ՝

ո՛չ ցուրտ, ո՛չ էլ տաք,

Ասացիր ինչպես միշտ, բայց մի ա՜յլ տեսակ:


    

Ասացի՛ր.

- Նայի՛ր ափիդ գծերին-

Երկարակեցությա՜ն, սիրո և կյանքի՜-

Վերջինը ե՜ս եմ, ճի՛շտ է այլ տեսակ,

Բայց և ինչպես մի՜շտ…


    

Ս.Ումառ-Հարությունյան


    
    
    
    
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1165 | 0 | 0
Facebook