Խնդրում ենք սպասել...
Այսօր`  երեքշաբթի, 21 մայիսի, 2019 թ.

Հոդվածներ

Գոնե շների չափ երախտագետ լինելու յուրօրինակ հորդորը

21:20, շաբաթ, 12 հունվարի, 2019 թ.
Գոնե շների չափ երախտագետ լինելու յուրօրինակ հորդորը

Ասում են` մի թագավոր է եղել, որը կարգադրել է միշտ տասը շան քաղցած պահել, որպեսզի երբ նախարարներից որևէ մեկը սխալ գործի, նրան նետեն այդ շների առաջ` հոշոտելու:

Տասնամյա բարեխիղճ ծառայությունից հետո նախարարներից մեկը սխալ է թույլ տալիս, և թագավորը պահակազորի պետին կարգադրում է նախարարին նետել շների առաջ: Վերջին պահին նախարարը պահակազորի պետին խնդրում է կատարել իր վերջին ցանկությունը` թույլ տալ, որ ինքը մինչև մահապատիժը 10 օր խնամի այդ շներին: Թագավորը չի առարկում, և նախարարը տասն օր կերակրում ու ինչպես հարկն է խնամում է կենդանիներին:

Տասն օր անց թագավորը պահանջում է գործի դնել մահապատժի որոշումը, բայց շները ոչ թե հարձակվում են դատապարտյալի վրա, այլ պատկում են նրա ոտքերի մոտ:

Թագավորն ասում է. «Շների գլխին այդ ի՞նչ օյին ես բերել, որ վրադ չեն հարձակվում»:

Նախարարը պատասխանում է.

«Ես այս շներին ընդամենը տասն օր եմ խնամել, հոգացել նրանց կարիքները, և նրանք երախտապարտ են ինձ, մինչդեռ քեզ 10 տարի հավատարմորեն ծառայել եմ, իսկ դու ամեն ինչ մոռացել ես»:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
| | |
2329 | 0 | 0
Facebook
COMMENT.am