Ապրիլի 8-ին Երևանի Մոնթե Մելքոնյանի անվան հ. 11 հիմնական դպրոցի համակարգչային դասարանում IX1, IX2 դասարաններում սովորող մեր աշակերտների համար աշխարհագրության ուսուցչուհի՝ Ս. Թովմասյանի կողմից ներկայացվեց տեսադաս՝ «ՀՀ հատուկ պահպանվող տարածքներ» թեմայով:
Դասի նպատակն էր սովորողներին ծանոթացնել Հանրապետությունում գործող բոլոր հատուկ պահպանվող տարածքներին (ՀՊՏ), որպեսզի վերջիններս իմանան ՀՊՏ-ի կարևորությունը, կարողանան արժևորել եղածը և բարեխիղճ կերպով պահպանել այն: Դասապրոցեսում նշվեցին արգելոց, արգելավայր և հուշարձաններ հատուկ տարածքների տարբերության մասին: Դասի ընթացքում ցուցադրվեցին՝
1. «Խոսրովի» , «Շիկահողի» , «Էրեբունու» արգելոցները,
2. «Սևանի» , «Դիլիջանի» ազգային պարկերը և նոր կառուցված «Արփի» ազգային պարկը:
Դասի ամփոփման ընթացքում առանձնակի շեշտվեց, որ բոլոր այս աշխատանքները նպաստում են ՀՀ բնության պահպանմանը և ուղղված են Հանրապետությունում «Էկոտուրիզմ» -ի զարգացմանը:
