Հունիսի 3-ի երեկոյան Լոնդոնում կատարվել է կրկնակի ահաբեկչություն, որի ականատեսները The Guadian պարբերականի հետ զրույցում պատմել են տեսածի մասին:
Ականատեսների պատմածին համաձայն այդ պահին քաղաքը մարդաշատ է եղել: Շատերը այդ պահին հետևում էին ֆուտբոլի չեմպիոների լիգային:
Շաբաթ երեկոյան ժամը 22: 08-ին սպիտակ բեռնատարը վթարի է ենթարկել անցորդներին և շարունակել երթևեկությունը դեպի Բորոու շուկա:
Ինչից հետո դանակով զինված անձիք հարձակվել են մարդկանց վրա:
Տուժած 23-ամյա Դանիել Օ՛Նիլի մայրը պատմում է իր որդու ապրումների մասին:
-Նա միայն դուրս էր եկել բարից մեկ րոպեյով, նրան վազելով մոտեցել է մի տղամարդ և ասել. «Սա իմ ընտանիքի համար է, սա իսլամի համար է» , և հարվածել է նրան դանակով: Ինչից հետո տղամարդը փախուստի է դիմել, իսկ Դանիելը դժվարությամբ վերադարձել է բար, որտեղ նրա ընկերը վիրակապել է վերքը, այնուհետև երբ ժամանել են ոստիկանության աշխատակիցները, տղային ոստիկանական մեքենայով տեղափոխել են հիվանդանոց: Նախնական տվյալներով կա 7 զոհ և 48 վիրավոր:
Ահաբեկչությանը անրադարձել է նաև ԱՄՆ նախագահ Դոնալդ Թրամփը: Նա իր թվիթերյան էջում քննադատության է ենթարկել Լոնդոնի քաղաքապետ Սադիք Խանին գրելով: «Առնվազն 7 մարդ զոհվել, 48 վիրավորվել է ահաբեկչության ժամանակ, իսկ Լոնդոնի Քաղաքապետն ասում է, որ անհանգստանալու համար պատճառ չկա»: Աելի ուշ Լոնդոնի քաղաքապետի գրասենյակը անդրադարձել է Թրամփի գրառմանը գրելով, որ քաղաքապետ Սադիք Խանն ավելի կարևոր անելիքներ ունի քան ԱՄՆ նախագահ Դոնալդ Թրամփի լոնդոնյան ահաբեկչությանը հետևած ապատեղեկացված թվիթին պատասխանելը: Թրամփի այս գրառումը հետևել էր Սադիք Խանի հայտարարությանն այն մասին, որ խորհրդարանակն ընտրությունները հետաձգել պետք չէ:
The Guardia պարբերականը տեղեկացնում է նաև, որ Լոնդոնյան ոստիկանությունը ահաբեկչությանը ներգրավված լինելու կասկածանքով ձերբակալել է 12 մարդու:
Լինա Մարգարյան
