Երբ կարիք է լինում հատել միջազգային սահմանները, միայն մեկ փաստաթուղթ է կարող բազմաթիվ դռներ բացել: Բայց դա ամերիկյան անձնագիրը չէ:
Թվում է, թե գերմանացիները ամենաշատն են ճանապարհորդում:
Համաձայն 2016 թվականի մուտքի թույլատրության սահմանափակումների ցուցանիշի` գերմանական անձնագրով ճանապարհորդող զբոսաշրջիկները կարող են մուտք գործել 218 երկրից 177-ը և մուտքի թույլատրություն չպահանջող տարածքներ:
Ցուցակը, որը ամեն տարի թարմացվել է Լոնդոնում տեղակայված խորհրդատվական ընկերության` Henley and Partners-ի և օդային տրանսպորտի միջազգային ասոցիացիայի կողմից, ազգերին դասակարգում է նրանով, թե որքան ազատորեն կարող են քաղաքացիները ներգաղթի կարմիր ժապավենով, առանց արգելքի ճանապարհորդել:
Այս տարի գերտերությունների քաղաքացիները չեն կրում այն արգելքը, որը մի ժամանակա կրել են:
Միացյալ Նահանգները, որը 2014-15 թվականների դասակարգման մեջ առաջին տեղում էր, հիմա զբաղեցնում է չորրորդ տեղը: Անմիջապես Գերմանիայից հետո Շվեդիան է, որը երկրորդ տարին անընդմեջ իր դիրքերը ամրապնդում է որպես երկրորդ տեղը գրաված երկիր` 176 երկրներում իր ազատ մուտքի արտոնագրով:
Ֆինլանդիան, Ֆրանսիան, Իտալիան, Իսպանիան և Միացյալ Թագավորությունը, որոնք 2013 թվականից գլխավորում էին ցուցակը, հիմա երրորդ տեղում են` հյուսիսային և արևմտյան Եվրոպայի քաղաքացիներին դարձնելով ամենաարտոնյալը միջազգային ճանապարհորդությունում: Ճապոնիան և Հարավային Կորեան նույնպես2014-15 թվականների ընթացքում երրորդ տեղը գրաված երկրների թվում էին, Բայց այս տարի իջել են համապատասխանաբար հինգերորդ և վեցերորդ հորիզոնականները: Բելգիան, Դանիան և Նիդեռլանդները ԱՄՆ-ի հետ միասին, մնում են չորրորդ տեղում:
Ցուցակի վերջում ամենավատ անձնագրերով երկրներն են, դրանք են` 104-րդ տեղում գտնվող Աֆղանստանը, որին հաջորդում են Պակիստանը, Իրաքը, Սոմալին և Սիրիան: