Մեծ Բրիտանիայում Քեմբրիջի Ֆիցվիլյամ թանգարանի գիտաշխատողները 3000 ամյա մատնահետք են հայտնաբերել մի եգիպտական դագաղի կափարիչին:
«Մատնահետքը թողել է արհեստավորը, ով սխալվել է և մինչև լաքի չորանալը դիպչել է դրան» - CNN-ին հայտնել է թանգարանի եգիպտոսագետ Հելեն Ստրադվիկը:
«Հայտնագործությունը կատարվել է 2005թվականին, բայց դեռ չի հրապարակվել»:
«Այս հայտնաբերումը մեզ մոտեցնում է այն մարդկանց, ովքեր պատրաստել են դագաղը» - նշել է թանգարանի տնօրենը:
Մատնահետքը դագաղի կափարիչի ներքին հատվածում էր: Այն հավանաբար պատկանում է Նեսփաուերշեֆիտ անունով քահանային, ով նաև հայտնի է Նես-Ամուն անունով: Նա Թեբեսում գտնվող Ամուր-Ռե տաճարի դպիրների գլխավորն էր:
Դագաղները, որոնք պատրաստված են եղել Մ.թ.ա 1000 թվականին թանգարանում ենթարկվել են մանրամասն հետազոտության, որը ներառում է ռենտգենյան հետազոտությունը և մոտակա հիվանդանոցում համակարգչային շերտագրման միջոցով արված պատկերումը, որը բացահայտում է, թե իչպես են 3000 տարի առաջ եգիպտական դագաղներ պատրաստվել:
«Դագաղի ներքին պատյանը պատրաստված է փայտի կտորներից` ներառյալ այն հատվածները, որոնք ավելի հին դագաղից են» - ասել է Ֆիցվիլյամ թանգարանում կանսերվացման ղեկավար Ջուլիա Դոուսոնը:
Դագաղի վրայի հին բույթի անցքերը և այն հատվածների անցքերը, որոնք լցվել են և դրանց կողքին նորերն են բացվել ցույց է տալիս, որ փայտը վերաօգտագործված է:
Փայտը արժեքավոր է, և արհեստավորն այնքան հմուտ է եղել, որ կարողացել է անմշակ նյութերից այդ բարդ կառուցվածքով իրերը ստեղծել:
Դագաղների ցուցադրությունը կկատարվի Death on the Nile-ում` նոր ցուցահանդեսին, որը կսկսվի փետրվարի 23-ին և որի նպատակն է ցուցադրել, որ եգիպտական դագաղի դիզայնը 4000 տարվա է:
«Դագաղների տեսքը ցույց է տալիս, թե ինչ ուշադրությամբ են եգիպտացիները հանդերձյալ կյանքի համար դագաղներ պատրաստել» - ասաց ցուցահանդեսի թանգարանապահ Ստրուդվիկը:
«Մեզ համար սա հիվանդագին մտահոգություն է, քանի որ մեզ համար մահը տաբու թեմա է»:
Իրականում դագաղների ստեղծումը կյանքի մոլուցք էր և կատարյալ շարունակությունն ապահովելու ցանկություն: