Վերջին զանգ…
Այս անգամ յուրօրինակ ձևաչափ էր ընտրված. հանդիպումն էր հին ու նոր շրջանավարտների, արժևորվում էր դպրոցասիրությունն ու ընկերասիրությունը:
Բեմում 2008-2009 ուստարվա շրջանավարտ, ներկայիս լրագրող, դպրոցի սիրելի սան Դավիթ Դավթյանն էր, ով դպրոց էր եկել իր դասընկերների հետ: Վեց տարիների հեռվից իր խոնարհումն ու երախտիքի խոսքն էր հղում դպրոցին, ուսուցիչներին` խառնելով իր խոհերը 9-րդ դասարանում սովորող սաների հույզերին ու ապրումներին:
Շփոթված էին 9-րդցիները. դժվար է բաժանվել հարազատ կրթօջախից, ուր նրանցից յուրաքանչյուրը հասակ է առել, կայացել որպես ապագա քաղաքացի:
Առջևում նրանց սպասում է ուսումնառության մի նոր փուլ:
Սիրելի՛ շրջանավարտներ, մենք վստահ ենք, որ դուք պատրաստ եք հաղթահարել հետագա փորձությունները, վստահ առաջ շարժվել:
Թող ձեզ ուղեկից լինեն բարությունն ու հաջողությունը: