Ապրիլի 23-ին Սոլակի միջնակարգ դպրոցում տեղի ունեցավ «Թռիչքիս ձիրքն է հայոց եղեռնը» խորագրով միջոցառում: Միջոցառումը բաղկացած էր 2 մասից ՝ Եղեռնին նվիրված և վերածնված հայրենիք: Աշակերտները ապացուցեցին, որ 100 տարվա վերքերը գուցե սպիացել են, բայց չի սպիացել հայ ժողովրդի վրեժը, իրենց պար – աղոթքով մեր հոգու բողոքն ուղղեցին աշխարհին:
Միջոցառումն ավարտվեց հավատի, հույսի, լավի սպասումով.
Վկա մեր կեսը՝ մորթված Դեր Զորում,
Վկա մեր կեսը, որ ես եմ, դու և նա,
Մենք կմիանանք, մենք կամբողջանանք,
Կգտնենք մի օր լրիվ դառնալու
Հնարն անհնար:
Միջոցառումից հետո կազմակերպվեց սգո երթ դեպի գյուղի եկեղեցի, ուր տեղի ունեցան ծառատունկ, ժամերգություն և մոմավառություն: Աշակերտները անմոռուկներով բացիկներ բաժանեցին համայնքի յուրաքանչյուր ընտանիքի: Իսկ 1915 հնչեցին 100 զանգեր՝ ի հիշատակ Մեծ եղեռնի զոհերի հիշատակի:
