Հոդվածներ

Մեկ օր՝ Թումանյանական շնչով

Տոնական տրամադրություն էր Արտաշատ քաղաքի Հովհ.Թումանյանի անվան N2 հիմնական դպրոցում: Մեծ լոռեցու անունը կրող դպրոցում նշվում էր Հովհ. Թումանյանի ծննդյան օրը: Կազմակերպվել էր միջոցառում, որին իրենց ակտիվ մասնակցությունն ունեցան դպրոցի շնորհաշատ աշակերտները: Արտասանեցին բանաստեղծի քառյակներից, կարդացին հատվածներ պոեմներից, ներկայացրեցին բեմադրություններ՝ «Շունն ու կատուն» , «Կիկոսի մահը» , իսկ II^ա դաս.աշակերտները զարմացրեցին բոլորին «Չարի վերջը» մյուզիքլի ներկայացմամբ:

Քանի որ փետրվարի 19-ը նշվում է որպես Գրքի միջազգային օր, ապա օրվա խորհրդին համապատասխան՝ դպրոցում կազմակերպվեց գրքի նվիրատվության օր՝ այս անգամ գրքեր նվիրելով Արտաշատի կապի զորամասի գրադարանին: