Հոդվածներ

Արդեն երկրորդ տարին է՝ երգիչ Հայկոյի նախաձեռնությամբ Գյումրիում կազմակերպվում է բարեգործական համերգ: Այս անգամ հունիսի 1-ին կայանալիք համերգի հասույթը կփոխանցվի «Բարեկամ» հիմնադրամի «Նվիրիր ինձ մանկություն» ծրագրին: Այս մասին Life.panorama.am-ին տեղեկացրեց ինքը՝ երգիչը: Համերգին բացի Հայկոյից իրենց մասնակցությունը կունենան «Հայաստանի ձայնը» նախագծից երգիչ-երգչուհիներ, այդ թվում՝ Լուսինե Քոչարյանը, Վիգեն Ահարոնյանը, Անահիտ Պետրոսյանը, Մաշ Իսրայելյանը, ինչպես նաև՝ Չայկովսկու անվան երաժշտական դպրոցին կից վոկալ-էստրադային ստուդիայի սաները:

«Սա հրաշալի հնարավորություն է՝ մեր փոքրիկներին օգնելու համար: Նրանցից մեկը ուզում է, օրինակ, նկարիչ դառնալ, մյուսը, որ միշտ բուֆետի փող ունենա, մենք էլ պետք է մեր ներդրումն ունենանք՝ նրանց ցանկություններն ի կատար ածելու հարցում», -մեզ հետ զրույցում ընդգծեց Հայկոն՝ բոլորին հրավիրելով համերգի: http://life.panorama.am/