Ռուսաստանի Օմսկի մարզում անցած գիշեր գրանցվել են տեղումներ՝ սև ձյան տեսքով, ինչն արդեն 2-րդ նմանատիպ դեպքն է այս շաբաթվա ընթացքում, հայտնում է Корреспондент-ը։
«Օմսկի բնակիչներից բազմաթիվ զանգեր ենք ստացել, ովքեր անհանգստացած պատմել են տարօրինակ գույնի ձյան մասին», -նշել են մարզային բնապահպանության վարչությունից։
Ըստ նախնական տվյալների՝ սև գույնի տեղումները վնասակար չեն մարդու առողջության համար, սակայն լաբորատոր վերջնական եզրակացությունը պատրաստ կլինի 2 օրից։
Վարկածներից մեկի համաձայն՝ նման արտասովոր երևույթի պատճառ կարող են լինել տեղի գործարաններից մեկի արտանետումները։
Աղբյուրը` Թերթ.am