Հոդվածներ

18-ամյա կանադացի երգիչ Ջասթին Բիբերի թիկնապահ Մոյշե Բենաբուն դատի է տվել նրան։ Երգիչը մեղադրվում է մարմնական վնասներ, հարվածներ ու վիրավորանք հասցնելու համար։

Ճիշտ է, ըստ E!Online-ի, դա տեղի է ունեցել ընդամենը մեկ անգամ՝ վեճի ժամանակ, երբ Բիբերին դուր չի եկել, թե Բենաբուն ինչպես է վարվում իր ընկերոջ հետ։ Թիկնապահի հայցի մեջ նշված է, որ երգիչը հայհոյել է, վիրավորել, իսկ հետո էլ սկսել է ծեծել իրեն։ Դրանից բացի Բիբերն արտաժամյա աշխատանքի համար իր աշխատողին այդպես էլ չի վճարել 420 հազար դոլարը։

Ինչպես սովորաբար լինում է, Ջասթինն ինքը մերժում է մեղադրանքներն ու պնդում, որ այդ ամենն ընդամենը աշխատանքից ազատվելու ու 2012 թվականին ստի մեջ բռնվելու համար վրեժ է։