Շուրջ 6 տարի է, ինչ Արարատի մարզի Մասիսի №5 ավագ դպրոցում գործում է ՙՋինիշյան՚ հիշատակի հիմնադրամի կողմից իրականացվող ՙԵրիտասարդությունը ներգրավված հասարակության մեջ՚ ծրագրի շրջանակներում բանավեճի ակումբը, որը ղեկավարում է պատմության և հասարակագիտության ուսուցչուհի Հ.Արիստակեսյանը:
Յուրաքանչյուր ուսումնական տարվա սկզբին հավաքագրվում է նոր խումբ, որից հետո ամիսը մեկ անգամ ընկերական խաղեր են կազմակերպվում քաղաքի մյուս դպրոցների բանավեճի ակումբ մասնակիցների հետ: Մասիսի №5 ավագ դպրոցի թիմը ակտիվ մասնակցություն ցուցաբերելով ընկերական խաղերում մշտապես հաղթող է ճանաչվել: Հանրապետական փուլում զբաղեցրել է առաջատար հորզոնականները՝ արժանանալով պատվոգրերի և մրցանակների:
Ս/թ. Մարտի 12-ին տեղի ունեցավ Մասիսի №5 ավագ և Մասիսի №3 հիմնական դպրոցների միջև եզրափակիչ խաղ` ՙՄարդկանց տեղահանումը իրենց բնակավայրերից հանուն բնական ռեսուրսների շահագործման արդարացված է՚ թեմայով: Դեմ դիրքորոշմամբ հանդես եկած մեր թիմը հաղթող ճանաչվեց 73/58 հաշվով և հնարավորություն ստացավ մասնակցելու բանավեճի հանրապետական մրցաշարին: