2011թ. օգոստոսի 19-ին չինացի Ցյու Յոգոն համաշխարհային ռեկորդ է սահմանել՝ գրանցվելով Գինեսի ռեկորդների գրքում: Նա աշխարհում հայտնի միակ մարդն է, ով կարողանում է թռչունների ձուն տեղադրել ասեղի վրա այնպիսի ճշգրիտ հավասարակշռությամբ, որ այն չի ընկնում:
Նախկինում Ցյուն աշխատել է որպես ավտոբուսի վարորդ, իսկ այս ձիրքը ձեռք է բերել, երբ փորձել է քնկոտության դեմ արդյունավետ բան հորինել: «Երբ երկար ճանապարհներին քունս տանում էր, ես կանգնեցնում էի ավտոբուսը, իջնում և ճանապարհի եզրին տեղադրելով ասեղից պատրաստված հարմարանքը՝ փորձում նրա վրա տեղադրել ձուն: Զարմանալի է, բայց քնկոտությունս նահանջում էր», - ասել է նա: Նա օրեցօր հմտանում է և այժմ ասեղի վրա դրված ձվի վրա նա կարող է դնել պատառաքաղներ, ատամ մաքրելու փայտիկներ և այլն: